你是我的能源
《你是我的能源》Lí Sī Guá ê Lîng-guân
八次郎Pat-tshù-lông
——————————————
你是我冬天太陽
lí sī guá tang-thinn thài-iông
我是草木花欉
guá sī tsháu-bo̍k hue-tsâng
你是雨水
lí sī hōo-tsuí
有你的滋潤佮灌溉
ū lí ê tsu-jūn kah kuàn-khài
我人生才有光彩
guá jîn-sing tsiah ū kong-tshái
有你鼓勵
ū lí kóo-lē
有你支持
ū lí tsi-tshî
我人生毋是空白
guá jîn-sing m̄-sī khàng-pe̍h
我人生毋是空白
guá jîn-sing m̄-sī khàng-pe̍h
有你我真溫暖
ū lí guá tsin un-luán
我應該感謝天地
guá ing-kai kám-siā thinn-tē
我會懷念著你
guá ē huâi-liām tio̍h lí
我會珍惜著你
guá ē tin-sioh tio̍h lí
我會珍惜千萬年
guá ē tin-sioh tshian-bān nî
因為你是
in-uī lí sī
我的心中甘甜的露水
guá ê sim-tiong kam-tinn ê lōo-tsuí
你在我心目中
lí tsāi guá sim-bo̍k-tiong
你是我一切的能源
lí sī guá it-tshè ê lîng-guân
