水蓮花
《水蓮花》Tsuí-lián-hue
丁麗燕Ting Lē-iàn
——————————————
阮是出水的蓮花
gún sī tshut tsuí ê lián-hue
飄來飄去隨風吹
phiau-lâi-phiau-khì suî hong tshue
出世生成在水底
tshut-sì senn-sîng tsāi tsuí-tué
花謝落水不再回
hue siā lo̍h tsuí put-tsài huê
出水蓮花枝葉青
tshut tsuí lián-hue ki-hio̍h tshinn
浮在水面現嬌媚
phû tsāi tsuí-bīn hiàn kiau-bī
開花等待露水滴
khui-hue tán-thāi lōo-tsuí tih
望君愛花惜花枝
bāng kun ài hue sioh hue-ki
蓮花開透白茫茫
lián-hue khui thàu pe̍h bâng-bâng
啥人會來相疼痛
siánn-lâng ē lâi sio thiànn-thàng
只驚野蜂來戲弄
tsí kiann iá-phang lâi hì-lāng
但願拄著有情人
tān-guān tú-tio̍h ū-tsîng lâng
