悲情的公路
《悲情的公路》Pi-tsîng ê Kong-lōo
謝宜君Siā Gî-kun
——————————————
人生的這條路
jîn-sing ê tsit tiâu lōo
我又何苦
guá iū hô-khóo
甘願為情受盡風雨
kam-guān uī tsîng siū-tsīn hong-hōo
明知伊是負心漢
bîng-tsai i sī hū-sim-hàn
怪阮自己的糊塗
kuài gún tsū-kí ê hôo-tôo
偏偏行向無情的沙漠
phian-phian kiânn hiòng bô-tsîng ê sua-bo̍k
毋知佗位停跤步
m̄-tsai tó-uī thîng kha-pōo
心內一站一站的往事
sim-lāi tsi̍t-tsām-tsi̍t-tsām ê óng-sū
窗外一站一站的生疏
thang-guā tsi̍t-tsām-tsi̍t-tsām ê tshinn-soo
揣無所在會當訴苦
tshuē-bô sóo-tsāi ē-tàng sòo-khóo
方向看攏無
hong-hiòng khuànn lóng bô
眼前滿天烏
gán-tsîng muá-thinn oo
才會一步一步
tsiah ē tsi̍t-pōo-tsi̍t-pōo
行入悲情的公路
kiânn ji̍p pi-tsîng ê kong-lōo
過去一幕一幕的情景
kuè-khì tsi̍t-bōo-tsi̍t-bōo ê tsîng-kíng
如今一日一日淚袂停
jû-kim tsi̍t-ji̍t-tsi̍t-ji̍t luī buē-thîng
何時結束傷心的旅途
hô-sî kiat-sok siong-sim ê lú-tôo
行向幸福的地圖
kiânn hiòng hīng-hok ê tē-tôo
離開悲情的公路
lī khui pi-tsîng ê kong-lōo
