再現酒國英雄
《再現酒國英雄》Tsài Hiān Tsiú-kok Ing-hiông
謝雷Siā Luî
小魚Sió-hî
小熊Sió-hîm
阿滿師A-buán-sai
——————————————
一句乾杯啊乾杯
tsi̍t-kù kan-pue–ah kan-pue
盡量予焦
tsín-liōng hōo ta
再現酒國英雄
tsài hiān tsiú-kok ing-hiông
—
聽見熟悉音樂中
thiann-kìnn si̍k-sik im-ga̍k tiong
唱出往事每一幕
tshiùnn-tshut óng-sū muí tsi̍t-bōo
彼句乾杯啊乾杯
hit kù kan-pue–ah kan-pue
彼曲盡量予焦
hit khiok tsīn-liōng hōo ta
才知使咱來堅強
tsiah tsai sú lán lâi kian-kiông
因為過去的創傷
in-uī kuè-khì ê tshong-siong
以前酒國的英雄
í-tsîng tsiú-kok ê ing-hiông
將希望來換保重
tsiong hi-bāng lâi uānn pó-tiōng
毋驚困難的風霜
m̄-kiann khùn-lân ê hong-song
予咱信心的力量
hōo lán sìn-sim ê li̍k-liōng
毋驚重重的波浪
m̄-kiann tîng-tîng ê pho-lōng
拍斷手骨顛倒勇
phah-tn̄g tshiú-kut tian-tò ióng
日子過往的傷痕
ji̍t-tsí kuè-óng ê siong-hûn
未來坎坷的路途
bī-lâi khám-khia̍t ê lōo-tôo
酒國英雄的倔強
tsiú-kok ing-hiông ê ku̍t-kiông
永遠陪咱繼續衝
íng-uán puê lán kè-sio̍k tshiong
