阮的一生交代你
《阮的一生交代你》Gún ê It-sing Kau-tài Lí
詹曼鈴Tsiam Bān-lîng
——————————————
月娘愈來愈圓啊
gue̍h-niû jú-lâi-jú înn–ah
天星閃爍的暗暝
thinn-tshinn siám-sih ê àm-mî
春花風紅過受傷的心
tshun-hue âng kuè siū-siong ê sim
毋知漂流佗位去
m̄-tsai phiau-liû tó-uī khì
毋甘美夢驚醒啊
m̄-kam bí-bāng kiann-tshínn–ah
猶原暝日咧想你
iu-guân mî-ji̍t teh siūnn lí
當做你佇阮的身邊
tòng-tsuè lí tī gún ê sin-pinn
是我唯一的安慰
sī guá uî-it ê an-uì
看見春去秋來啊
khuànn-kìnn tshun khì tshiu lâi–ah
想起往事心傷悲
siūnn-khí óng-sū sim siong-pi
阮所走揣所有美夢
gún sóo tsáu-tshuē sóo-ū bí-bāng
一切隨風放予去
it-tshè suî hong pàng hōo khì
若是註定分開啊
nā sī tsù-tiānn hun-khui–ah
將伊當做是天意
tsiong i tòng-tsuè sī thinn-ì
還你前世欠你的債
hîng lí tsîng-sè khiàm lí ê tsè
只有孤單伴稀微
tsí-ū koo-tuann phuānn hi-bî
將著阮的一生交代你喔
tsiong tio̍h gún ê it-sing kau-tài lí–ooh
聲聲叫著心愛你名字
siann-siann kiò tio̍h sim-ài lí miâ-jī
將著阮的一生交代你喔
tsiong tio̍h gún ê it-sing kau-tài lí–ooh
牽著阮的雙手
khan tio̍h gún ê siang-tshiú
望你疼惜心纏綿
bāng lí thiànn-sioh sim tînn-mî
將著阮的一生交代你喔
tsiong tio̍h gún ê it-sing kau-tài lí–ooh
甘願戇戇等你為你痴
kam-guān gōng-gōng tán lí uī lí tshi
將著阮的一生交代你喔
tsiong tio̍h gún ê it-sing kau-tài lí–ooh
望你回心轉意
bāng lí huê-sim tsuán-ì
轉來阮的身軀邊
tńg-lâi gún ê sin-khu-pinn
