畏寒透心肝
《畏寒透心肝》Uì-kuânn Thàu Sim-kuann
黃秋萍N̂g Tshiu-phîng
——————————————
孤單來到夜港邊
koo-tuann lâi kàu iā káng-pinn
天星閃爍滿滿是
thinn-tshinn siám-sih muá-muá-sī
今夜無你在阮身軀邊
kim-iā bô lí tsāi gún sin-khu-pinn
加添阮心稀微
ka-thiam gún sim hi-bî
每一粒星就親像過去
muí tsi̍t-lia̍p tshinn tsiū tshin-tshiūnn kuè-khì
哪會知你越頭做你去
ná ē tsai lí ua̍t-thâu tsuè lí khì
心愛的你嘛帶念過去
sim-ài–ê lí mā tài-liām kuè-khì
看著海湧一陣一陣起
khuànn-tio̍h hái-íng tsi̍t-tsūn-tsi̍t-tsūn khí
心內愈想愈厭氣
sim-lāi jú siūnn jú iàn-khì
天星啊天星啊天星
thinn-tshinn–ah thinn-tshinn–ah thinn-tshinn
莫閣咧閃爍
mài-koh teh siám-sih
請你諒解我的心情
tshiánn lí liōng-kái guá ê sim-tsîng
想著你佮我
siūnn-tio̍h lí kah guá
無較縒
bô-khah-tsua̍h
只有畏寒透心肝
tsí-ū uì-kuânn thàu sim-kuann
