東山再起
《東山再起》Tong-san Tsài-khì
曾瑋中Tsan Uí-tiong/Kuljelje
——————————————
咱的人生
lán ê jîn-sing
可比是坐火車
khó-pí sī tsè hué-tshia
過磅空
kuè pōng-khang
天就會光
thinn tiō ē kng
毋驚風雨一直行(繼續行)
m̄-kiann hong-hōo it-ti̍t kiânn (kè-sio̍k kiânn)
拄著失敗
tú-tio̍h sit-pāi
毋是天註定
m̄-sī thinn tsù-tiānn
愈怨嘆心愈寒
jú uàn-thàn sim jú kuânn
為著幸福愛拍拚
uī-tio̍h hīng-hok ài phah-piànn
毋通袂記咱的夢
m̄-thang buē-kì lán ê bāng
我做你的靠山
guá tsuè lí ê khò-suann
咱會當改變運命
lán ē-tàng kái-piàn ūn-miā
我陪你東山再起
guá puê lí tong-san tsài-khì
上成功的滋味
siōng sîng-kong ê tsu-bī
是靠咱的志氣
sī khò lán ê tsì-khì
行出美麗人生
kiânn-tshut bí-lē jîn-sing
陪你東山再起
puê lí tong-san tsài-khì
閣拚出一片天
koh piànn tshut tsi̍t-phìnn thinn
轟動千里萬天
hong-tōng tshian-lí bān-thinn
英雄是咱的名字
ing-hiông sī lán ê miâ-jī
