放下了後
《放下了後》Hòng-hā liáu-āu
曾瑋中Tsan Uí-tiong/Kuljelje
——————————————
你決定欲走
lí kuat-tīng beh tsáu
無願意閣留
bô guān-ì koh lâu
強求嘛無效
kiông-kiû mā bô-hāu
愛過就有夠
ài–kuè tiō ū-kàu
你看阮咧吼
lí khuànn gún teh háu
也毋願回頭
iā m̄-guān huê-thâu
心事向天投
sim-sū hiòng thinn tâu
幸福當時到
hīng-hok tang-sî kàu
共你放下了後
kā lí hòng-hā liáu-āu
有時陣也會目屎流
ū-sî-tsūn iā ē ba̍k-sái lâu
真心已經變調
tsin-sim í-king piàn-tiāu
何必一个人起痟
hô-pit tsi̍t-ê-lâng khí-siáu
輕輕放下了後
khin-khin hòng-hā liáu-āu
傷心慢慢就袂攪擾
siong-sim bān-bān tiō buē kiáu-jiáu
時間予人變巧
sî-kan hōo-lâng piàn khiáu
留佇心內陪阮老
lâu tī sim-lāi puê gún lāu
