揣無人
《揣無人》Tshuē-bô Lâng
劉亭儀Lâu Tîng-gî
——————————————
想起著咱的過去
siūnn-khí tio̍h lán ê kuè-khì
過去已經過去
kuè-khì í-king kuè–khì
親像一場夢
tshin-tshiūnn tsi̍t-tiûnn bāng
過去的一場夢
kuè-khì ê tsi̍t-tiûnn bāng
夢醒揣無人
bāng-tshínn tshē-bô lâng
枉費我心內思念你
óng-huì guá sim-lāi su-liām lí
枉費我真情對待你
óng-huì guá tsin-tsîng tuì-thāi lí
哪會忍心做你去
ná ē jím-sim tsuè lí khì
講啥物海水會焦
kóng siánn-mih hái-tsuí ē ta
講啥物石頭會爛
kóng siánn-mih tsio̍h-thâu ē nuā
我若無嫁你無娶
guá nā bô kè lí bô tshuā
啊~愛情的咒誓
ah~ ài-tsîng ê tsiù-tsuā
敢講永遠袂變卦
kám-kóng íng-uán buē piàn-kuà
