就是衝衝衝
《就是衝衝衝》Tiō-sī Tshiong Tshiong Tshiong
游明俊Iû Bîng-tsùn
——————————————
勇敢的男兒
ióng-kám ê lâm-jî
毋驚人看袂起
m̄-kiann lâng khuànn-buē-khí
隨時來創造家己的意義
suî-sî lâi tshòng-tsō ka-kī ê ì-gī
我從來毋驚好䆀的時機
guá tsiông-lâi m̄-kiann hó-bái ê sî-ki
無人會當阻礙我的志氣
bô-lâng ē-tàng tsóo-gāi guá ê tsì-khì
像我這款無蓋緣投的男兒
tshiūnn guá tsit khuán bô kài iân-tâu ê lâm-jî
倯甲對庄跤來到大都市
sông kah tuì tsng-kha lâi kàu tuā-too-tshī
時勢的英雄
sî-sè ê ing-hiông
一切靠自己
it-tshè khò tsū-kí
學歷只不過是
ha̍k-li̍k tsí-put-kuè sī
參考而已
tsham-khó jî-í
就是衝衝衝衝衝衝
tiō-sī tshiong tshiong tshiong tshiong tshiong tshiong
難關算啥物
lân-kuan sǹg siánn-mih
放下所有罣礙佮懷疑
pàng-hā sóo-ū kuà-gāi kah huâi-gî
就是追追追追追追
tiō-sī tui tui tui tui tui tui
絕對袂當來放棄
tsua̍t-tuì bē-tàng lâi hòng-khì
我欲追求家己的勝利
guá beh tui-kiû ka-kī ê sìng-lī
↓↓(RAP)—(RAP)↓↓
桌頂食飯一雙箸
toh-tíng tsia̍h-pn̄g tsi̍t-siang tī
南北二路是兄弟
lâm-pak jī-lōo sī hiann-tī
請問啥物叫做義氣
tshiánn-mn̄g siánn-mih kiò-tsò gī-khì
一塊水碗崁白賊兩字
tsi̍t-tè tsuí-uánn khàm pe̍h-tsha̍t nn̄g- jī
↑↑(RAP)—(RAP)↑↑
↓↓(RAP)—(RAP)↓↓
啥物愛情是糖甘甜
siánn-mih ài-tsîng sī thn̂g-kam-tinn
勇甲墓仔埔也敢去
ióng kah bōng-á-poo iā kánn khì
其實掣甲強欲死
kî-si̍t tshuah kah kiōng-beh sí
氣魄盡展啥人佮我比
khì-phik tsīn tián siánn-lâng kah guá pí
↑↑(RAP)—(RAP)↑↑
