東嶽大二爺伯咒
《東嶽大二爺伯咒》Tang-ga̍k Tuā-jī-iâ-peh Tsiù
陳金水Tân Kim-suí
——————————————
香起沉沉應乾坤
hiong khí tîm-tîm ìn khiân-khun
應開森羅寶殿門
ìn khai sim-lô pó-tiān mn̂g
森羅寶殿轉拜請
sim-lô pó-tiān tsuán pài-tshiánn
拜請東嶽大二爺
pài-tshiánn Tang-ga̍k Tuā-jī-iâ
大爺問吾何事請
Tuā-iâ mn̄g ngôo hô-sū tshiánn
陰風陣陣到殿前
im-hong tsūn-tsūn kàu tiān-tsîng
頭戴一頂大吉帽
thâu tì tsi̍t-tíng tāi-kiat-bō
身穿白袍管夜差
sin tshīng pe̍h-phâu kuán iā-tshe
倒手劍訣判陰陽
tò-tshiú kiàm-kuat phuànn im-iông
正手金扇斷吉凶
tsiànn-tshiú kim-sìnn tuān kiat-hiong
東嶽殿前奏分明
Tang-ga̍k-tiān tsîng tsàu hun-bîng
幽冥領差降來靈
iu-bîng niá-tshe kàng-lâi lîng
監察陽間善惡事
kàm-tshat iông-kan siān-ok sū
賞善罰惡千古傳
siúnn-siān hua̍t-ok tshian-kóo thuân
含冤受屈保照生
hâm-uan siū-khut pó tsiàu sing
無為不作押地獄
bô-uî put-tsok ah tē-gi̍k
三魂七魄請降魂
sam-hûn tshit-phik tshiánn kàng-hûn
降魂童身說分明
kàng-hûn tâng-sin sueh hun-bîng
弟子一心三拜請
tē-tsú tsi̍t-sim sam pài-tshiánn
拜請東嶽大二爺
pài-tshiánn Tang-ga̍k Tuā-jī-iâ
弟子一心三拜請
tē-tsú tsi̍t-sim sann pài-tshiánn
拜請東嶽大二爺
pài-tshiánn Tang-ga̍k Tuā-jī-iâ
五卒陰兵到殿前
ngóo-tsut im-ping kàu tiān-tsîng
陰兵火急追律令
im-ping hué-kip tui lu̍t-līng
