實在無理由
《實在無理由》Si̍t-tsāi Bô Lí-iû
陳惠蓮Tân Huī-liân
——————————————
一杯燒酒攏無味
tsi̍t-pue sio-tsiú lóng bô-bī
閣來一杯
koh lâi tsi̍t-pue
嘛無夠氣
mā bô-kàu-khuì
借酒解憂愁
tsioh tsiú kái iu-tshiû
實在無理由
si̍t-tsāi bô lí-iû
啉酒講是會麻醉
lim-tsiú kóng sī ē bâ-tsuì
我是到底欲去佗位
guá sī tàu-tué bueh khì tó-uī
揣回著心愛的你
tshuē-huê tio̍h sim-ài ê lí
規罐攏共啉落去
kui-kuàn lóng kā lim–lo̍h-khì
嘛是真清醒
mā sī tsin tshing-tshínn
腦中形影又是你
náu-tiong hîng-iánn iū sī lí
