安平純情曲
《安平純情曲》An-pîng Sûn-tsîng Khik
陳家君Tân Ka-kun
——————————————
安平港水無停時
An-pîng káng-tsuí bô thîng-sî
為著郎君在港墘
uī-tio̍h lông-kun tsāi káng-kînn
雖然是雨水滴
sui-jiân sī hōo-tsuí tih
猶原等待你
iu-guân tán-thāi lí
看見海面的彼爿
khuànn-kìnn hái-bīn ê hit-pîng
微微船燈暗袂明
bî-bî tsûn-ting àm buē-bîng
敢是郎君的船燈
kám-sī lông-kun ê tsûn-ting
趕緊向進前
kuánn-kín hiòng tsìn-tsîng
心肝跳袂停
sim-kuann thiàu buē-thîng
