碼頭純情曲
《碼頭純情曲》Bé-thâu Sûn-tsîng Khik
陳秀惠Tân Siù-huī
——————————————
行船阿君仔欲出帆
kiânn-tsûn a-kun–á bueh tshut-phâng
約阮透早來相送
iok gún thàu-tsá lâi sio-sàng
著急心情挐氅氅
tio̍h-kip sim-tsîng jû-tsháng-tsháng
大路紅燈來誤人
tuā-lōo âng-ting lâi gōo lâng
聽見遠遠船螺聲
thiann-kìnn hn̄g-hn̄g tsûn-lê siann
笑笑來叫醒一場夢
tshiò-tshiò lâi kiò-tshínn tsi̍t-tiûnn bāng
啊~我知影
ah~ guá tsai-iánn
我知影船隻開出港
guá tsai-iánn tsûn-tsiah khui tshut-káng
三步做兩步行入港
sann-pōo tsuè nn̄g-pōo kiânn ji̍p-káng
袂見行船彼个人
buē kìnn kiânn-tsûn hit ê lâng
可惜傷慢趕來到
khó-sioh siunn bān kuánn lâi-kàu
船隻已經開出港
tsûn-tsiah í-king khui tshut-káng
叫我怎樣來說明
kiò guá tsuánn-iūnn lâi sueh-bîng
說明我毋是無來送
sueh-bîng guá m̄-sī bô lâi sàng
啊~你對我
ah~ lí tuì guá
你對我誤會已經重
lí tuì guá gōo-huē í-king tāng
