連興宮媽祖
《連興宮媽祖》Liân-hing-kiong Má-tsóo
陳玉鈴Tân Gio̍k-lîng
——————————————
千古啊
tshian-kóo–ah
流傳啦
liû-thuân–lah
媽祖的故事代代傳
Má-tsóo ê kòo-sū tāi-tāi thuân
–
四面環海蓬萊島
sì-bīn khuân-hái hông-lâi-tó
眾仙雲聚山脈高
tsiòng-sian hûn-tsū suann-me̍h ko
林杞開墾前山城
Lîm-kí khai-khún tsiân-san siânn
天上聖母上出名
Thian-siōng-sìng-bió siōng tshut-miâ
千里順風排駕前
Tshian-lí Sūn-hong pâi kà-tsîng
軟身媽祖護眾生
Nńg-sin Má-tsóo hōo tsiòng-sing
連興宮中慈悲心
Liân-hing-kiong tiong tsû-pi sim
竹山鹿谷攏順興
Tik-san Lo̍k-kok lóng sūn-hing
九十九崁前山城
káu-tsa̍p-káu-khàm tsiân-san siânn
八通古道向東行
pat-thong kóo-tō hiòng tang kiânn
天上聖母媽祖婆
Thian-siōng-sìng-bió Má-tsóo-pô
母儀聖德稱天后
bó-gî sìng-tik tshing thian-hiō
香火流傳幾百年
hiunn-hué liû-thuân kuí-pah nî
軟身媽祖上稀奇
Nńg-sin Má-tsóo siōng hi-kî
前山第一城
tsiân-san tē-it siânn
連興宮媽祖
Liân-hing-kiong Má-tsóo
上出名
siōng tshut-miâ
