珠淚穿紅線
《珠淚穿紅線》Tsu-luī Tshng Âng-suànn
唐儷Tn̂g Lē
——————————————
夜夜到深夜
iā-iā kàu tshim-iā
抾著珠淚穿紅線
khioh-tio̍h tsu-luī tshng âng-suànn
空心的咒誓
khang-sim ê tsiù-tsuā
可恨的手段
khó-hūn ê tshiú-tuānn
坱埃的鴛鴦鏡
ing-ia ê uan-iunn kiànn
拆破雙喜賰一半
thiah-phuà siang-hí tshun tsi̍t-puànn
心疼到何時才會煞
sim thiànn kàu hô-sî tsiah ē suah
啊~怪我軟心肝
ah~ kuài guá nńg sim-kuann
虛情假愛看袂破
hi-tsîng ké-ài khuànn buē-phuà
親像失了魂
tshin-tshiūnn sit liáu hûn
望你來疼
bāng lí lâi thiànn
啊~怪你假心肝
ah~ kuài lí ké sim-kuann
騙我真情參你換
phiàn guá tsin-tsîng tsham lí uānn
船過水無痕
tsûn kuè tsuí bô hûn
無拖沙
bô thua-sua
一暝傷心哭無聲
tsi̍t-mî siong-sim khàu-bô siann
抾著珠淚穿紅線
khioh-tio̍h tsu-luī tshng âng-suànn
抾袂離的心碎啊~
khioh buē-lī ê sim tshuì ah~
抾袂離的心碎
khioh buē-lī ê sim tshuì
紩袂峇
thīnn buē bā
