有情有義的好兄弟
《有情有義的好兄弟》Ū-tsîng Ū-gī ê Hó-hiann-tī
許吉本Khóo Kiat-pún
——————————————
你親像我的雨傘
lí tshin-tshiūnn guá ê hōo-suànn
大風大雨我毋驚
tuā-hong tuā-hōo guá m̄-kiann
你親像海上的燈塔
lí tshin-tshiūnn hái-siōng ê ting-thah
指點我人生的路線
tsí-tiám guá jîn-sing ê lōo-suànn
咱可比關公劉備
lán khó-pí Kuan-kong Lâu-pī
情意無人拆會開
tsîng-ì bô-lâng thiah ē-khui
人生難免有失意
jîn-sing lân-bián ū sit-ì
所有困難
sóo-ū khùn-lân
不過是暫時
put-kò sī tsiām-sî
你是我一生
lí sī guá it-sing
永遠的兄弟
íng-uán ê hiann-tī
有你做伙
ū lí tsuè-hué
我就有十足的勇氣
guá tiō ū tsa̍p-tsiok ê ióng-khì
咱的真情
lán ê tsin-tsîng
世間無人通好比
sè-kan bô-lâng thang-hó pí
咱用真心來面對
lán iōng tsin-sim lâi bīn-tuì
咱永遠
lán íng-uán
永遠是
íng-uán sī
有情有義的好兄弟
ū-tsîng ū-gī ê hó-hiann-tī
