怹的愛情
《怹的愛情》In ê Ài-tsîng
張清芳Tiunn Tshing-hong
——————————————
聽別人講起怹的愛情
thiann pa̍t-lâng kóng-khí in ê ài-tsîng
攏是糖甘蜜甜
lóng-sī thn̂g-kam bi̍t-tinn
若想著阮的過去
nā siūnn-tio̍h gún ê kuè-khì
心內小雨又綿綿
sim-lāi sió-hōo iū mî-mî
用心經營彼段感情
iōng-sim king-îng hit tuānn kám-tsîng
一旦做了決定
it-tàn tsuè liáu kuat-tīng
毋通回頭
m̄-thang huê-thâu
毋免傷心
m̄-bián siong-sim
收藏紛亂的心情
siu-tsông hun-luān ê sim-tsîng
囥踮時間的皮箱
khǹg tiàm sî-kan ê phuê-siunn
愛情毋是人的一生
ài-tsîng m̄-sī lâng ê it-sing
只是成長的過程
tsí-sī sîng-tióng ê kuè-tîng
起起落落
khí-khí-lo̍h-lo̍h
世俗人情
sè-sio̍k lâng-tsîng
真真假假
tsin-tsin-ké-ké
分嘛分袂清
hun mā hun buē-tshing
愛著一个人
ài-tio̍h tsi̍t-ê lâng
交換一粒心
kau-uānn tsi̍t-lia̍p sim
毋是一粒燒一粒冷
m̄-sī tsi̍t-lia̍p sio tsi̍t-lia̍p líng
感情是雙方面
kám-tsîng sī siang hong-bīn
互相來體認
hōo-siong lâi thé-jīn
哪通是吵吵鬧鬧
ná thang sī tshá-tshá-nāu-nāu
目屎流袂停
ba̍k-sái lâu buē-thîng
感謝彼个人
kám-siā hit ê lâng
結束這段情
kiat-sok tsit tuānn tsîng
從今後
tsiông-kim-āu
毋免為伊傷神
m̄-bián uī i siong-sîn
快樂無快樂
khuài-lo̍k bô khuài-lo̍k
幸福袂幸福
hīng-hok buē hīng-hok
橫直愛行家己的路
huâinn-ti̍t ài kiânn ka-kī ê lōo
