咱逐家來跳赤赤
《咱逐家來跳赤赤》Lán Ta̍k-ke Lâi Thiàu Tshiah-tshiah
高峰Ko Hong
——————————————
咱來跳
lán lâi thiàu
來跳這个赤赤
lâi thiàu tsit ê tshiah-tshiah
輕鬆來跳
khin-sang lâi thiàu
來唱歌詩
lâi tshiùnn kua-si
將心肝內憂悶
tsiong sim-kuann-lāi iu-būn
放予伊開開開
pàng hōo i khui khui khui
心肝內開了後
sim-kuann-lāi khui liáu-āu
心頭輕鬆真自在
sim-thâu khin-sang tsin tsū-tsāi
跳起來真可愛
thiàu–khí-lâi tsin khó-ài
啊毋信你來試看覓
ah m̄-sìn lí lâi tshì-khuànn-māi
舞步真活潑
bú-pōo tsin ua̍t-phuat
跳赤赤赤
thiàu tshiah tshiah tshiah
阿公來跳起來
a-kong lâi thiàu–khí-lâi
笑啊笑咍咍
tshiò–ah tshiò-hai-hai
阿媽來跳起來
a-má lâi thiàu–khí-lâi
扭一下扭一下
ngiú–tsi̍t-ē ngiú–tsi̍t-ē
爽快爽快
sóng-khuài sóng-khuài
想欲佮你來做伴
siūnn-beh kah lí lâi tsuè-phuānn
相招去大埕
sio-tsio khì tuā-tiânn
來跳赤赤赤
lâi thiàu tshiah tshiah tshiah
毋知你有聽見無
m̄-tsai lí ū thiann–kìnn bô
無論天邊到天涯
bô-lūn thinn-pinn kàu thian-gâi
聽著這首歌的人
thiann-tio̍h tsit siú kua ê lâng
想欲跳赤赤
siūnn-beh thiàu tshiah-tshiah
毋管你有錢抑散赤
m̄-kuán lí ū-tsînn ia̍h sàn-tshiah
鬥陣來聽這首的歌聲
tàu-tīn lâi thiann tsit siú ê kua-siann
想欲跳赤赤
siūnn-beh thiàu tshiah-tshiah
身體真勇健
sin-thé tsin ióng-kiānn
