再見春夏秋冬
《再見春夏秋冬》Tsài-kiàn Tshun-hā Tshiu-tang
張燈明Tiunn Ting-bîng(傻瓜阿明)
——————————————
春天來的時
tshun-thinn lâi ê sî
慢慢看花開
bān-bān khuànn hue khui
秋天的落葉
tshiu-thinn ê lo̍h-hio̍h
是冬天的媠
sī tang-thinn ê suí
慢慢
bān-bān
慢慢想著你
bān-bān siūnn-tio̍h lí
已經化做心頭甜
í-king huà-tsuè sim-thâu tinn
你是春天的花蕊
lí sī tshun-thinn ê hue-luí
你是熱天的涼水
lí sī jua̍h-thinn ê liâng-tsuí
你是秋天的黃昏
lí sī tshiu-thinn ê hông-hun
自然冬天我陪你
tsū-jiân tang-thinn guá puê lí
再見春夏秋冬
tsài-kiàn tshun-hā tshiu-tang
猶原是新的開始
iu-guân sī sin ê khai-sí
