傷一半
《傷一半》Siong Tsi̍t-puànn
郭婷筠Kueh Tîng-ûn
——————————————
你講無人親像你
lí kóng bô-lâng tshan-tshiūnn lí
對阮百般來疼痛
tuì gún pah-puann lâi thiànn-thàng
如今將阮交予你
jû-kim tsiong gún kau hōo lí
你煞一切放外外
lí suah it-tshè pàng-guā-guā
人講愛著是種痴
lâng kóng ài–tio̍h sī tsióng tshi
想欲討回無較縒
siūnn-beh thó-huê bô-khah-tsua̍h
只有戇戇踮遮等
tsí-ū gōng-gōng tiàm tsia tán
等你越頭轉來看
tán lí ua̍t-thâu tńg-lâi khuànn
你的愛若手中沙
lí ê ài ná tshiú-tiong sua
風一吹過賰孤單
hong tsi̍t tshue–kuè tshun koo-tuann
你的情親像白紙
lí ê tsîng tshin-tshiūnn pe̍h-tsuá
無寫半字留予我
bô siá puànn-jī lâu hōo guá
當初交予你的心
tong-tshoo kau hōo lí ê sim
予你拆破碎
hōo lí thiah phuà-tshuì
只賰一半
tsí tshun tsi̍t-puànn
雨中摻淚
hōo-tiong tsham luī
看著你離開背影
khuànn-tio̍h lí lī-khui puē-iánn
為何痴情的
uī-hô tshi-tsîng ê
痴情的我
tshi-tsîng ê guá
揣無所在通靠岸
tshuē-bô sóo-tsāi thang khò-huānn
面對著冷淡的你
bīn-tuì tio̍h líng-tām ê lí
揣無一生的咒誓
tshuē-bô it-sing ê tsiù-tsuā
為何傷心的
uī-hô siong-sim ê
傷心的歌
siong-sim ê kua
按怎唱攏唱袂煞
án-tsuánn tshiùnn lóng tshiùnn buē-suah
敢講阮付出的所有
kám-kóng gún hù-tshut ê sóo-ū
只賰孤單
tsí tshun koo-tuann
—
敢講阮付出的所有
kám-kóng gún hù-tshut ê sóo-ū
只賰孤單
tsí tshun koo-tuann
