一場夢
《一場夢》Tsi̍t-tiûnn Bāng
張春嬌Tiunn Tshun-kiau(嬌嬌野丫頭)
——————————————
唱著別人的心聲
tshiùnn tio̍h pa̍t-lâng ê sim-siann
有愛有夢有孤單
ū ài ū bāng ū koo-tuann
人生若會當交換
jîn-sing nā ē-tàng kau-uānn
我的歌詞會按怎寫
guá ê kua-sû ē án-tsuánn siá
來到熟悉的駁岸
lâi kàu si̍k-sik ê poh-huānn
海風海湧海邊沙
hái-hong hái-íng hái-pinn sua
茫茫渺渺的我
bông-bông-biáu-biáu ê guá
目箍珠淚咧滾絞
ba̍k-khoo tsu-luī teh kún-ká
愛像一場夢
ài tshiūnn tsi̍t-tiûnn bāng
夢性命的繁華
bāng sìnn-miā ê huân-huâ
情也一場夢
tsîng iā tsi̍t-tiûnn bāng
無需要講啥條件
bô su-iàu kóng siánn tiâu-kiānn
咱攏是坐佇遮
lán lóng sī tsē tī tsia
這台單程的列車
tsit tâi tan-thîng ê lia̍t-tshia
開出悲傷
khui tshut pi-siong
感受天地人生的開闊
kám-siū thinn-tē jîn-sing ê khui-khuah
