我的故鄉
《我的故鄉》Guá ê Kòo-hiong
俞隆華Jû Liông-huâ
——————————————
故鄉的月娘
kòo-hiong ê gue̍h-niû
伴咱走天涯
phuānn lán tsáu thian-gâi
天星也隨我
thinn-tshinn iā suî guá
飄東又飄西
phiau tang iū phiau sai
啊~飄東又飄西
ah~ phiau-tang iū phiau-sai
啊~啥人願意離鄉背井
ah~ siánn-lâng guān-ì lî-hiong puē-tsínn
跳出可愛的家庭
thiàu-tshut khó-ài ê ka-tîng
啊~毋管一切
ah~ m̄-kuán it-tshè
認真拍拚
jīn-tsin phah-piànn
總是為著幸福前程
tsóng–sī uī-tio̍h hīng-hok tsiân-tîng
忍受人生的過程
jím-siū jîn-sing ê kuè-tîng
他鄉的稀微
thann-hiong ê hi-bî
引阮思念伊
ín gún su-liām i
故鄉的形影
kòo-hiong ê hîng-iánn
飄來又飄去
phiau-lâi iū phiau-khì
啊~飄來又飄去
ah~ phiau-lâi iū phiau-khì
啊~啥人願意離鄉背井
ah~ siánn-lâng guān-ì lî-hiong puē-tsínn
跳出可愛的家庭
thiàu-tshut khó-ài ê ka-tîng
啊~毋管一切
ah~ m̄-kuán it-tshè
認真拍拚
jīn-tsin phah-piànn
總是為著幸福前程
tsóng–sī uī-tio̍h hīng-hok tsiân-tîng
忍受人生的過程
jím-siū jîn-sing ê kuè-tîng
