愛甲失控
《愛甲失控》Ài Kah Sit-khòng
洪婷Âng Tîng(廈門)
——————————————
若是真心疼阮若性命
nā sī tsin-sim thiànn gún ná sìnn-miā
哪通放阮日日守空城
ná thang pàng gún ji̍t-ji̍t siú khang-siânn
當年的海誓
tng-nî ê hái-sè
如今變成一張空白紙
jû-kim piàn-sîng tsi̍t-tiunn khàng-pe̍h-tsuá
暗淡的路燈
àm-tām ê lōo-ting
廈門今夜冷清清
Ē-mn̂g kim-iā líng tshing-tshing
啊~纏綿的戀情
ah~ tînn-mî ê luân-tsîng
哪會冷冰冰
ná ē líng-ping-ping
來到昔日戀夢的海岸
lâi kàu sik-ji̍t luân-bāng ê hái-huānn
無奈海鳥問阮咧等啥
bô-nāi hái-tsiáu mn̄g gún teh tán siánn
昨暝的山盟
tsa-mî ê san-bîng
若風吹飄散
ná hong-tshue phiau-suànn
斷啊斷了線
tn̄g–ah tn̄g liáu suànn
情海情路情茫茫
tsîng-hái tsîng-lōo tsîng bâng-bâng
等無你的人
tán-bô lí ê lâng
感謝你的無情
kám-siā lí ê bô-tsîng
傷阮遮重
siong gún tsiah tāng
一个人戇戇徛在愛情橋
tsi̍t-ê-lâng gōng-gōng khiā tsāi ài-tsîng kiô
目屎像雨一直落
ba̍k-sái tshiūnn hōo it-ti̍t lo̍h
為情為愛無惜一切
uī tsîng uī ài bô-sioh it-tshè
青春紅花變落葉
tshing-tshun âng-hue piàn lo̍h-hio̍h
月娘笑阮哪會遮爾戇
gue̍h-niû tshiò gún ná ē tsiah-nī gōng
愛你愛甲遮超磅
ài lí ài kah tsiah thiau-pōng
只怪阮太愛你
tsí kuài gún thài ài lí
愛甲失控
ài kah sit-khòng
