初戀西門町
《初戀西門町》Tshoo-luân Se-mn̂g-ting
林久登Lîm Kiú-ting
——————————————
冷冷清清的西門町
líng-líng-tshing-tshing ê Se-mn̂g-ting
有我少年的戀愛情
ū guá siàu-liân ê luân-ài-tsîng
彼段懵懂的青春夢
hit tuānn bóng-tóng ê tshing-tshun-bāng
徘徊鬧熱的街巷
pâi-huê lāu-jia̍t ê ke-hāng
今夜冷清的西門町
kim-iā líng-tshing ê Se-mn̂g-ting
揣無過去的繁華景
tshuē-bô kuè-khì ê huân-huâ kíng
只賰阮留戀心情
tsí tshun gún liû-luân sim-tsîng
袂平靜
buē pîng-tsīng
有啥人了解
ū siánn-lâng liáu-kái
阮行踮西門町的心情
gún kiânn tiàm Se-mn̂g-ting ê sim-tsîng
思念當初
su-liām tong-tshoo
煩悶一重又一重
huân-būn tsi̍t-tîng iū tsi̍t-tîng
有啥人了解
ū siánn-lâng liáu-kái
阮行踮西門町的心情
gún kiânn tiàm Se-mn̂g-ting ê sim-tsîng
永遠懷念
íng-uán huâi-liām
只有初戀西門町
tsí-ū tshoo-luân Se-mn̂g-ting
