春夢無情
《春夢無情》Tshun-bāng Bô-tsîng
孟君Bīng-kun
——————————————
堅心想欲來看破
kian-sim siūnn-beh lâi khuànn-phuà
離開伊身邊
lī-khui i sin-pinn
無疑暝日
bô-gî mî-ji̍t
顛倒來想伊嘆稀微
tian-tò lâi siūnn i thàn hi-bî
賭著性命的戀情
tóo tio̍h sìnn-miā ê luân-tsîng
怎樣拆分離
tsuánn-iūnn thiah hun-lî
枉費堂堂的男兒
óng-huì tông-tông ê lâm-jî
為情目屎滴
uī tsîng ba̍k-sái tih
一生只有一次的
it-sing tsí-ū tsi̍t-tshù ê
寶貴青春期
pó-kuì tshing-tshun-kî
偏偏我會來失敗
phian-phian guá ē lâi sit-pāi
悲傷過日子
pi-siong kè ji̍t-tsí
世間所有的快樂
sè-kan sóo-ū ê khuài-lo̍k
己經無趣味
kí king bô tshù-bī
每暗總是無情夢
muí-àm tsóng–sī bô-tsîng bāng
對阮真纏綿
tuì gún tsin tînn-mî
