點燈仔無地揣
《點燈仔無地揣》Tiám Ting-á Bô-tè Tshuē
方啟明Png Khé-bîng
——————————————
愛是愛甲欲死
ài sī ài kah beh-sí
規日是黏黐黐
kui-ji̍t sī liâm-thi-thi
恨就咬牙切齒
hūn tiō kā-gê tshiat-khí
啥物都無觸纏
siánn-mih to bô tak-tînn
你毋通靠你媠
lí m̄-thang khò lí suí
毋通靠你有錢
m̄-thang khò lí ū-tsînn
這款的愛情
tsit khuán ê ài-tsîng
未免太現實
bī-bián thài hiān-si̍t
我毋是袂曉花言巧語
guá m̄-sī buē-hiáu hua-giân khá-gí
也毋是三心兩意
iā m̄-sī sam-sim lióng-ì
是因為我老實
sī in-uī guá lāu si̍t
我毋是袂曉來做表面
guá m̄-sī buē-hiáu lâi tsuè piáu-bīn
也毋是故意來佯生
iā m̄-sī kòo-ì lâi tìnn-tshinn
因為我有骨氣
in-uī guá ū kut-khì
像這款的愛人
tshiūnn tsit khuán ê ài-jîn
像這款的伴侶
tshiūnn tsit khuán ê phuānn-lī
啊~點燈仔你也無地揣起
ah~ tiám ting-á lí iā bô-tè tshuē-khí
