酒場悲戀夢
《酒場悲戀夢》Tsiú-tiûnn Pi-luân Bāng
方瑞娥Png Suī-ngôo
——————————————
一个人心稀微
tsi̍t-ê-lâng sim hi-bî
踮在酒場內
tiàm-tsāi tsiú-tiûnn lāi
手捀著一杯酒
tshiú phâng tio̍h tsi̍t-pue tsiú
滿面現悲哀
muá-bīn hiàn pi-ai
暗淡的燈光
àm-tām ê ting-kng
也伴伊失主裁
iā phuānn i sit tsú-tshâi
有心事毋講出
ū sim-sū m̄ kóng-tshut
當然無人知
tong-jiân bô-lâng tsai
一矸酒啉落去
tsi̍t-kan tsiú lim–lo̍h-khì
猶閣攏無醉
iáu-koh lóng bô tsuì
彈吉他唱情歌
tuânn gì-tah tshiùnn tsîng-kua
暗中拭珠淚
àm-tiong tshit tsu-luī
為怎樣無歡迎
uī-tsánn-iūnn bô huan-gîng
女性伴相隨
lú-sìng phuānn-sio-suî
無一定伊為著
bô-it-tīng i uī-tio̍h
愛情來食虧
ài-tsîng lâi tsia̍h-khui
三角形花領帶
sann-kak-hîng hue niá-tuà
結甲真風流
kat kah tsin hong-liû
喙咬著一枝薰
tshuì kā-tio̍h tsi̍t-ki hun
目頭激憂憂
ba̍k-thâu kik iu-iu
已經行來酒場
í-king kiânn lâi tsiú-tiûnn
啉酒解憂愁
lim-tsiú kái iu-tshiû
今仔日欲去佗位
kia̋nn-ji̍t bueh khì tó-uī
啥人替伊想
siánn-lâng thè i siūnn
