請你想看覓
《請你想看覓》Tshiánn Lí Siūnn Khuànn-māi
甘奇靈Kam Kî-lîng
——————————————
海風親像起風颱
hái-hong tshin-tshiūnn khí-hong-thai
海水親像我目屎
hái-tsuí tshin-tshiūnn guá ba̍k-sái
沃醒著阮情深似海
ak tshínn tio̍h gún tsîng tshim sū hái
敢講你
kám-kóng lí
敢講你全毋知
kám-kóng lí tsuân m̄-tsai
啥物是情
siánn-mih sī tsîng
啥物是愛
siánn-mih sī ài
欺騙著我純情的愛
khi-phiàn tio̍h guá sûn-tsîng ê ài
啊~不應該
ah~ put-ing-kai
不應該不應該
put-ing-kai put-ing-kai
當做阮戇大呆
tòng-tsuè gún gōng-tuā-tai
請你
tshiánn lí
請你想看覓
tshiánn lí siūnn khuànn-māi
這敢是敢是
tse kám-sī kám-sī
敢是你的氣概
kám-sī lí ê khì-khài
