行船人的情
《行船人的情》Kiânn-tsûn-lâng ê Tsîng
朱德寶Tsu Tik-pó
——————————————
愛你的心真堅定
ài lí ê sim tsin kian-tīng
心酸相送出帆的情景
sim sng sio-sàng tshut-phâng ê tsîng-kíng
對你思念像海湧
tuì lí su-liām tshiūnn hái-íng
起起落落攏袂停
khí-khí-lo̍h-lo̍h lóng buē thîng
心愛的
sim-ài–ê
毋知何時才見面
m̄-tsai hô-sî tsiah kìnn-bīn
行船人的情
kiânn-tsûn-lâng ê tsîng
拍拚為前程
phah-piànn uī tsiân-tîng
大風大湧
tuā-hong tuā-íng
有你佇心肝頂
ū lí tī sim-kuann tíng
行船人的情
kiânn-tsûn-lâng ê tsîng
誰會了解阮的心
siáng ē liáu-kái gún ê sim
毋驚海水潑來有偌冷
m̄-kiann hái-tsuí phuah–lâi ū guā líng
奮鬥人生
hùn-tàu jîn-sing
行船人的心
kiânn-tsûn-lâng ê sim
希望早日
hi-bāng tsá-ji̍t
看著回航的燈
khuànn-tio̍h huê-hâng ê ting
