白沙屯聖母心媽祖緣
《白沙屯聖母心媽祖緣》Pe̍h-sua-tun Sìng-bió Sim Má-tsóo Iân
合唱Ha̍p-tshiùnn
——————————————
人情味的白沙屯
jîn-tsîng-bī ê Pe̍h-sua-tun
人情味的白沙屯
jîn-tsîng-bī ê Pe̍h-sua-tun
媽祖信仰的白沙屯
Má-tsóo sìn-gióng ê Pe̍h-sua-tun
聖母的心
Sìng-bió ê sim
媽祖婆的緣
Má-tsóo-pô ê iân
有緣鬥陣來做伙
ū-iân tàu-tīn lâi tsò-hué
咱著愛互相鼓勵加照顧
lán tio̍h-ài hōo-siong kóo-lē ka tsiàu-kòo
聖母的心
Sìng-bió ê sim
媽祖婆的緣
Má-tsóo-pô ê iân
心連心啊手牽手
sim liân-sim–ah tshiú khan-tshiú
咱著愛互相珍惜聖母緣
lán tio̍h-ài hōo-siong tin-sioh Sìng-bió iân
珍惜媽祖的緣
tin-sioh Má-tsóo ê iân
感受聖母的心
kám-siū Sìng-bió ê sim
接觸世間的人
tsiap-tshiok sè-kan ê lâng
學習世間的事
ha̍k-si̍p sè-kan ê sū
毋管風有偌強
m̄-kuán hong ū luā kiông
毋驚雨落偌大
m̄-kiann hōo lo̍h luā tuā
無分你佮我
bô-hun lí kah guá
無論海內外
bô-lūn hái-lāi-guā
咱著愛一步一步行
lán tio̍h-ài tsi̍t-pōo tsi̍t-pōo kiânn
鬥陣行
tàu-tīn kiânn
向前行
hiòng-tsiân kiânn
行向光明的人生
kiânn hiòng kong-bîng ê jîn-sing
行向大慈大悲的世界
kiânn hiòng tāi-tsû-tāi-pi ê sè-kài
行向大慈大悲的世界
kiânn hiòng tāi-tsû-tāi-pi ê sè-kài
