歌星的紅包
《歌星的紅包》Kua-tshinn ê Âng-pau
朱紅Tsu Hông
——————————————
別人唱歌快樂無地比
pa̍t-lâng tshiùnn-kua khuài-lo̍k bô-tè pí
我咧唱歌悽慘又操煩
guá teh tshiùnn-kua tshi-tshám iū tshiau-huân
世間無人親像阮這款
sè-kan bô-lâng tshin-tshiūnn gún tsit khuán
像我這款鬱卒的啦
tshiūnn guá tsit khuán ut-tsut–ê lah
痛苦又無奈
thòng-khóo iū bô-nāi
感慨在心內
kám-khài tsāi sim-lāi
攏是為著這紅包錢的啦
lóng-sī uī-tio̍h tse âng-pau-tsînn–ê lah
自嘆自恨歹命人
tsū-thàn tsū-hūn pháinn-miā-lâng
看破人生吐氣又無奈
khuànn-phuà jîn-sing thóo-khuì iū bô-nāi
人海茫茫
jîn-hái bâng-bâng
一年又一年
tsi̍t-nî iū tsi̍t-nî
為著這項新臺票的啦
uī-tio̍h tsit hāng Sin-tâi-phiò–ê lah
毋管人咧講
m̄-kuán lâng teh kóng
毋管人欲害
m̄-kuán lâng beh hāi
攏是為著這紅包錢的啦
lóng-sī uī-tio̍h tse âng-pau-tsînn–ê lah
踮在舞臺大聲唱
tiàm-tsāi bú-tâi tuā-siann tshiùnn
想著阿爸目箍紅
siūnn-tio̍h a-pa ba̍k-khoo âng
毋是貪虛華
m̄-sī tham hi-hua
為著顧三頓
uī-tio̍h kòo sann-tǹg
才會落海收紅包的啦
tsiah ē lo̍h-hái siu âng-pau–ê lah
看破世情
khuànn-phuà sè-tsîng
委屈又無奈
uí-khut iū bô-nāi
攏是為著這紅包錢的啦
lóng-sī uī-tio̍h tse âng-pau-tsînn–ê lah
