夜半相思曲
《夜半相思曲》Iā-puànn Siunn-si Khik
吳秀蘭Ngôo Siù-lân
——————————————
若想起彼當時
nā siūnn-khí hit-tang-sî
傷心目屎滴
siong-sim ba̍k-sái tih
佮伊做陣情綿綿
kah i tsuè-tīn tsîng mî-mî
雙人形影行袂離
siang-lâng hîng-iánn kiânn buē-lī
真無疑真無疑
tsin bô-gî tsin bô-gî
做一時
tsuè tsi̍t-sî
薄情人放捒阮
po̍k-tsîng-lâng pàng-sak gún
做伊去
tsuè i khì
伊就是世間第一無情的男兒
i tsiū-sī sè-kan tē-it bô-tsîng ê lâm-jî
倒落眠床睏袂去
tó lo̍h bîn-tshn̂g khùn buē-khì
暗吟斷腸詩
àm gîm tuān-tn̂g-si
若想起彼當時
nā siūnn-khí hit-tang-sî
怨嘆阮薄命
uàn-thàn gún po̍k-bīng
伊對阮有來表明
i tuì gún ū lâi piáu-bîng
結成一對好情人
kiat-sîng tsi̍t-tuì hó tsîng-jîn
真無疑真無疑
tsin bô-gî tsin bô-gî
做一時
tsuè tsi̍t-sî
薄情人來變心
po̍k-tsîng-láng lâi piàn-sim
做伊去
tsuè i khì
耽誤阮青春
tam-gōo gún tshing-tshun
偏偏為伊來犧牲
phian-phian uī i lâi hi-sing
倒落眠床袂落眠
tó lo̍h bîn-tshn̂g buē lo̍h-bîn
目屎滴胸前
ba̍k-sái tih hing-tsîng
若想起彼當時
nā siūnn-khí hit-tang-sî
心情就憂悶
sim-tsîng tsiū iu-būn
彼時伊有答應阮
hit-sî i ū tah-ìng gún
堅心欲佮阮結婚
kian-sim beh kah gún kiat-hun
真無疑真無疑
tsin bô-gî tsin bô-gî
做一時
tsuè tsi̍t-sî
薄情人將著阮
po̍k-tsîng-lâng tsiong tio̍h gún
來放離
lâi pàng lī
阮永遠怨恨著伊
gún íng-uán uàn-hūn tio̍h i
恨伊薄情義
hūn i po̍k tsîng-gī
倒落眠床亂心意
tó lo̍h bîn-tshn̂g luān sim-ì
聽見雞聲啼
thiann-kìnn ke-siann thî
