咱的媽祖
《咱的媽祖》Lán ê Má-tsóo
合唱Ha̍p-tshiùnn
——————————————
苗栗通霄白沙屯
Biâu-li̍k Thong-siau Pe̍h-sua-tun
護國祐民媽祖婆
hōo-kok iū-bîn Má-tsóo-pô
–
慈悲勸善做好代
tsû-pi khǹg-siān tsuè hó-tāi
媽祖娘娘的最愛
Má-tsóo-niû-niû ê tsuè-ài
行路出巡兩百冬
kiânn-lōo tshut-sûn nn̄g-pah tang
年年來回四百里
nî-nî lâi-huê sì-pah lí
過了一庄閣一庄
kuè-liáu tsi̍t-tsng koh tsi̍t-tsng
媽祖𤆬路阮來綴
Má-tsóo tshuā-lōo gún lâi tuè
沿路信徒滿街巷
iân-lōo sìn-tôo muá ke-hāng
虔誠跪拜來恭迎
khiân-sîng kuī-pài lâi kiong-gîng
誠心誠意拜媽祖
sîng-sim sîng-ì pài Má-tsóo
請一步
tshiánn tsi̍t-pōo
一步請
tsi̍t-pōo tshiánn
護請聖母解迷津
hōo-tshiánn Sìng-bió kái bê-tin
護請聖母解迷津
hōo tshiánn Sìng-bió kái bê-tin
咱的信仰媽祖婆
lán ê sìn-gióng Má-tsóo-pô
阮的故鄉白沙屯
gún ê kòo-hiong Pe̍h-sua-tun
聖母下凡來出巡
Sìng-bió hā-huān lâi tshut-sûn
救苦救難救眾生
kiù khóo kiù lān kiù tsiòng-sing
無論好天抑落雨
bô-lūn hó-thinn ia̍h lo̍h-hōo
男女信徒毋驚苦
lâm-lú sìn-tôo m̄-kiann khóo
大街小巷田岸路
tuā-ke sió-hāng tshân-huānn-lōo
盤山過嶺為信徒
puânn-suann kuè-niá uī sìn-tôo
誠心誠意拜媽祖
sîng-sim sîng-ì pài Má-tsóo
行一步
kiânn tsi̍t-pōo
一步行
tsi̍t-pōo kiânn
媽祖出巡渡眾生
Má-tsóo tshut-sûn tōo tsiòng-sing
媽祖出巡渡眾生
Má-tsóo tshut-sûn tōo tsiòng-sing
