命運十字路
《命運十字路》Miā-ūn Si̍p-jī-lōo
江燕Kang Iàn
——————————————
緊跳出彼條
kín thiàu-tshut hit tiâu
烏暗暗的巷路
oo-àm-àm ê hāng-lōo
管待伊透大風落大雨
kuán-thāi-i thàu tuā-hong lo̍h tuā-hōo
我毋願去行歹路
guá m̄-guān khì kiânn pháinn-lōo
甘願食苦
kam-guān tsia̍h-khóo
受風受雨拍拚前途
siū hong siū hōo phah-piànn tsiân-tôo
既然我踏出了
kì-jiân guá ta̍h-tshut liáu
人生頭一步
jîn-sing thâu tsi̍t-pōo
無需要為情咧讓步
bô-su-iàu uī tsîng teh niū-pōo
坎坷的人生路
khám-khia̍t ê jîn-sing lōo
命運的十字路
miā-ūn ê si̍p-jī-lōo
千萬著毋通失誤
tshian-bān tio̍h m̄-thang sit-gōo
看清楚青紅燈的信號
khuànn tshing-tshó tshinn-âng-ting ê sìn-hō
小心跤步
sió-sim kha-pōo
踏出人生美好前途
ta̍h-tshut jîn-sing bí-hó tsiân-tôo
