假面具
《假面具》Ké Bīn-kū
方啟明Png Khé-bîng
——————————————
若是你行為的卑鄙
nā sī lí hîng-uî ê pi-phí
予人跤尾冷吱吱
hōo-lâng kha-bué líng-ki-ki
若是你滿口的言語
nā sī lí muá-kháu ê giân-gí
害人毋免用刀鋸
hāi lâng m̄-bián iōng to kì
毋管你講甲喙角全沫
m̄-kuán lí kóng kah tshuì-kak tsuân phue̍h
毋管你講會飛天鑽地
m̄-kuán lí kóng ē pue-thinn tsǹg-tē
若是來掀起你的牌底
nā sī lâi hian-khí lí ê pâi-té
誰欲相信你的話
siáng beh siong-sìn lí ê uē
啊~到現在
ah~ kàu hiān-tsāi
你猶毋願覺醒
lí iáu m̄-guān kak-tshínn
猶原瞞三騙四
iu-guân muâ-sann phiàn-sì
欲閣對我變把戲
beh koh tuì guá piàn pá-hì
你你你你你
lí lí lí lí lí
共我煞煞去
kā guá suah-suah–khì
