今夜閣再想起你
《今夜閣再想起你》Kim-iā Koh-tsài Siūnn-khí Lí
朱德寶Tsu Tik-pó
——————————————
仝款的暝
kāng-khuán ê mî
無仝款的城市
bô kāng-khuán ê siânn-tshī
阮一个人咧想你
gún tsi̍t-ê-lâng teh siūnn lí
身邊的芳味
sin-pinn ê phang-bī
害阮閣再想起你
hāi gún koh-tsài siūnn-khí lí
欲怎樣來放袂記
beh tsuánn-iūnn lâi pàng-buē-kì
今夜閣再想起你
kim-iā koh-tsài siūnn-khí lí
滿腹的空虛
muá-pak ê khang-hi
無人會當代替你
bô-lâng ē-tàng tāi-thè lí
熟似的芳味
si̍k-sāi ê phang-bī
只賰愛的記持
tsí tshun ài ê kì-tî
我欲去佗位揣你
guá beh khì tó-uī tshuē lí
今夜閣再想起你
kim-iā koh-tsài siūnn-khí lí
稀微的開始
hi-bî ê khai-sí
又閣想起彼一暝
iū-koh siūnn-khí hit tsi̍t-mî
熟似的芳味
si̍k-sāi ê phang-bī
一直黏著阮
it-ti̍t liâm tio̍h gún
你是阮一生的唯一
lí sī gún it-sing ê uî-it
我的這一生
guá ê tse it-sing
毋管佇佗位
m̄-kuán tī tó-uī
心內掛念的攏是你
sim-lāi kuà-liām–ê lóng-sī lí
