總有一日揣著你
《總有一日揣著你》Tsóng Ū Tsi̍t-ji̍t Tshuē-tio̍h Lí
于珊珊Î San-san
——————————————
日來思慕夜來夢
ji̍t–lâi su-bōo iā–lâi bāng
思念我彼个人
su-liām guá hit ê lâng
想起早日情意重
siūnn-khí tsá-ji̍t tsîng-ì tāng
為何哪會分西東
uī-hô ná ē hun se-tang
歷盡滄桑
li̍k-tsīn tshong-song
受盡苦慘
siū-tsīn khóo-tshám
猶原欲揣你一人
iu-guân beh tshuē lí tsi̍t-lâng
啊~何時何日
ah~ hô-sî hô-ji̍t
會得揣著
ē-tit tshē-tio̍h
失去的天倫夢
sit–khì ê thian-lûn bāng
無情悽涼烏暗暝
bô-tsîng tshi-liâng oo-àm-mî
夜鶯哭聲哀悲
iā-ing khàu-siann ai-pi
苦苦等待十外年
khóo-khóo tán-thāi tsa̍p-guā nî
走遍天涯揣無你
tsáu-phiàn thian-gâi tshē-bô lí
你的真情
lí ê tsin-tsîng
你的真意
lí ê tsin-ì
猶原毋敢放袂記
iu-guân m̄-kánn pàng-buē-kì
啊~總有一日
ah~ tsóng ū-tsi̍t-ji̍t
我會揣著
guá ē tshē-tio̍h
拆散的好伴侶
thiah-suànn ê hó phuānn-lī
