河邊思鄉
《河邊思鄉》Hô-pinn Su-hiong
楊秀蘭Iûnn Siù-lân
——————————————
看起著對面山嶺
khuànn-khí tio̍h tuì-bīn suann-niá
鳥隻飛過來
tsiáu-tsiah pe–kè-lâi
予阮來想起故鄉
hōo gún lâi siūnn-khí kòo-hiong
目屎流落來
ba̍k-sái lâu–lo̍h-lâi
啊~痛苦無人知
ah~ thòng-khóo bô-lâng tsai
看起著日落黃昏
khuànn-khí tio̍h ji̍t-lo̍h hông-hun
河水紅記記
hô-tsuí âng-kì-kì
予阮來想起彼陣
hōo gún lâi siūnn-khí hit-tsūn
離開故鄉時
lī-khui kòo-hiong sî
啊~媽媽的言語
ah~ má-mah ê giân-gí
看起著對面山跤
khuànn-khí tio̍h tuì-bīn suann-kha
彩燈光爍爍
tshái-ting kng sih-sih
予阮來想起鄉里
hōo gún lâi siūnn-khí hiunn-lí
可愛的男兒
khó-ài ê lâm-jî
啊~拍拚過日子
ah~ phah-piànn kè ji̍t-tsí
看起著天頂月娘
khuànn-khí tio̍h thinn-tíng ge̍h-niû
暗淡無元氣
àm-tām bô guân-khì
予阮來想起媽媽
hōo gún lâi siūnn-khí má-mah
怎樣過日子
tsánn-iūnn kè ji̍t-tsí
啊~相會等何時
ah~ siong-huē tán hô-sî
