斷魂嶺鐘聲淚
《斷魂嶺鐘聲淚》Tuān-hûn-niá Tsing-siann Luī
周蓬霖Tsiu Hông-lîm
黃俊雄N̂g Tsùn-hiông(口白)
——————————————
↓↓(口白)—(口白)—(口白)↓↓
風雨慘慘草木含悲
hong-ú tshám-tshám tshó-bo̍k hâm-pi
雲煙悽悽百花含淚
hûn-ian tshi-tshi pik-hua hâm-luī
這个風雅幽靜的風景區
tsit ê hong-ngá iu-tsīng ê hong-kíng-khu
偏偏來被喪盡天良
phian-phian lâi pī sòng-tsīn thian-liông
無人性的惡魔
bô jîn-sìng ê ok-môo
來利用做慘害少女的所在
lâi lī-iōng tsuè tshám-hāi siàu-lú ê sóo-tsāi
毋知有偌濟純潔的少女
m̄-tsai ū guā-tsuē sûn-kiat ê siàu-lú
含冤九泉
hâm-uan kiú-tsuân
如今這个情侶雙雙的情人谷
jî-kim tsit ê tsîng-lū siang-siang ê tsîng-jîn-kok
煞來變成少女喪膽的斷魂嶺
suah lâi piàn-sîng siàu-lú sòng-tám ê Tuān-hûn-niá
嗚乎!孤魂哀哀
oo-hoo! koo-hûn ai-ai
孤鳥亂啼
koo-niáu luān thî
每每若聽著斷魂嶺的鐘聲
muí-muí nā thiann-tio̍h Tuān-hûn-niá ê tsing-siann
啥人袂來柔腸寸斷
siánn-lâng buē lâi jiû-tshiâng tshùn-tuān
啥人袂來同聲哀哭咧
siánn-lâng buē lâi tông-siann ai-khàu–leh
↑↑(口白)—(口白)—(口白)↑↑
鐘聲若響亮
tsing-siann nā hiáng-liāng
日頭已經暗
ji̍t-thâu í-king àm
鳥隻規群飛向東
tsiáu-tsiah kui-kûn pue hiòng tang
予阮看著心茫茫
hōo gún khuànn-tio̍h sim bâng-bâng
啊~心茫茫
ah~ sim bâng-bâng
人生啥人像我
jîn-sing siánn-lâng tshiūnn guá
這款的悽慘
tsit khuán ê tshi-tshám
斷魂嶺無崁
Tuān-hûn-niá bô khàm
害伊一世人
hāi i tsi̍t-sì-lâng
拆散一對青春夢
thiah-suànn tsi̍t-tuì tshing-tshun bāng
予阮每日揣無人
hōo gún muí-ji̍t tshuē-bô lâng
啊~揣無人
ah~ tshuē-bô lâng
甘願為愛犧牲
kam-guān uī ài hi-sing
養飼著囝大漢
iúnn-tshī tio̍h kiánn tuā-hàn
