堂堂大丈夫
《堂堂大丈夫》Tông-tông Tāi-tiōng-hu
林林Lîm-lîm
——————————————
人講驚某是大丈夫
lâng kóng kiann bóo sī tāi-tiōng-hu
拍某是豬狗牛
phah bóo sī ti-káu-gû
大丈夫毋是豬狗牛
tāi-tiōng-hu m̄-sī ti-káu-gû
敢做就敢講
kánn tsuè tiō kánn kóng
我是驚某的大丈夫
guá sī kiann bóo ê tāi-tiōng-hu
人講娶一个乖乖的某
lâng kóng tshuā tsi̍t-ê kuai-kuai ê bóo
較好三个天公祖
khah hó sann-ê Thinn-kong-tsóo
較好三个天公祖
khah hó sann-ê Thinn-kong-tsóo
無某真艱苦
bô bóo tsin kan-khóo
我有好某真幸福
guá ū hó bóo tsin hīng-hok
煮魚愛有蔥
tsú hî ài ū tshang
食著才會芳
tsia̍h-tio̍h tsiah ē phang
查某囡仔欲嫁翁
tsa-bóo-gín-á beh kè-ang
䆀䆀翁食袂空
bái-bái ang tsia̍h buē khang
弄啊弄啊弄叮噹
lāng–ah lāng–ah lāng tin-tang
翁某是相欠債
ang-bóo sī sio-khiàm-tsè
答喙鼓啥人袂
tap-tshuì-kóo siánn-lâng bē
床頭拍床尾和
tshn̂g-thâu phah tshn̂g-bué hô
好姻緣做伙啊
hó in-iân tsuè-hué–ah
到一百歲
kàu tsi̍t-pah huè
一百歲
tsi̍t-pah huè
