世界第一戇
《世界第一戇》Sè-kài Tē-it Gōng
拍謝少年(歹勢少年樂團Pháinn-sè Siàu-liân Ga̍k-thuân)
謝銘祐Siā Bîng-iū
——————————————
有時陣我會問家己
ū-sî-tsūn guá ē mn̄g ka-tī
敢是我頇顢的個性
kám-sī guá han-bān ê kò-sìng
揣無一句話
tshuē-bô tsi̍t-kù uē
掠無一條歌
lia̍h-bô tsi̍t-tiâu kua
綴袂著你的跤步行
tuè buē-tio̍h lí ê kha-pōo kiânn
有時陣我會問家己
ū-sî-tsūn guá ē mn̄g ka-tī
我哪會袂記得彼條歌
guá ná ē buē-kì-tit hit tiâu kua
陪阮拍電動
puê gún phah tiān-tōng
陪阮轉大人
puê gún tńg-tuā-lâng
五百年嘛唱袂煞
gōo-pah nî mā tshiùnn buē-suah
若是你陪伴我
nā sī lí puê-phuānn guá
相拍嘛相放伴
sio-phah mā sio-pàng-phuānn
揣無的彼條歌
tshuē-bô ê hit tiâu kua
敢會刻佇你我的心肝
kám ē khik tī lí guá ê sim-kuann
若是你陪伴我
nā sī lí puê-phuānn guá
相拍嘛相放伴
sio-phah mā sio-pàng-phuānn
揣無的彼條歌
tshuē-bô ê hit tiâu kua
敢會刻佇你我的心肝
kám ē khik tī lí guá ê sim-kuann
有時陣我會問家己
ū-sî-tsūn guá ē mn̄g ka-tī
敢是我頇顢的個性
kám-sī guá han-bān ê kò-sìng
揣無一句話
tshuē-bô tsi̍t-kù uē
掠無一條歌
lia̍h-bô tsi̍t-tiâu kua
綴袂著你的跤步行
tuè buē-tio̍h lí ê kha-pōo kiânn
有一工
ū-tsi̍t-kang
我聽著恁的聲
guá thiann-tio̍h lín ê siann
一句哭枵啊
tsi̍t-kù khàu-iau–ah
著莫想遐濟
tio̍h mài siūnn hiah tsuē
我會陪恁行到遐
guá ē puê lín kiânn kàu hia
紲來恁愛家己行
suà–lâi lín ài ka-kī kiânn
管待世界按怎變化
kuán-thāi sè-kài án-tsuánn piàn-huà
我會陪你行到遐
guá ē puê lí kiânn kàu hia
紲來你愛家己行
suà–lâi lí ài ka-kī kiânn
阮是世界第一戇
gún sī sè-kài tē-it gōng
阮是世界第一戇
gún sī sè-kài tē-it gōng
阮是世界第一戇的兄弟
gún sī sè-kài tē-it gōng ê hiann-tī
阮是世界第一戇
gún sī sè-kài tē-it gōng
阮是世界第一戇
gún sī sè-kài tē-it gōng
阮是世界第一戇的兄弟
gún sī sè-kài tē-it gōng ê hiann-tī
