播音員的心聲
《播音員的心聲》Pòo-im-uân ê Sim-siann
李芊慧Lí Tshian-huī
——————————————
每日踮在空中做伙
muí-ji̍t tiàm-tsāi khong-tiong tsuè-hué
時間真緊又經過
sî-kan tsin kín iū king-kuè
依依難捨的心情
i-i lân-siá ê sim-tsîng
為你講出再會
uī lí kóng-tshut tsài-huē
為你播出的歌聲
uī lí pòo-tshut ê kua-siann
為你解答的問題
uī lí kái-tap ê būn-tê
你若是感覺有滿意
lí nā sī kám-kak ū buán-ì
請你寫批來鼓勵
tshiánn lí siá-phue lâi kóo-lē
希望會當予逐家
hi-bāng ē-tàng hōo ta̍k-ke
快樂開心花
khuài-lo̍k khui sim-hue
