我的愛無人可比
《我的愛無人可比》Guá ê Ài Bô-lâng Khó Pí
吳勇濱Ngôo Ióng-pin
——————————————
阮真想欲來問你
gún tsin siūnn-beh lâi mn̄g lí
踮在你的身邊
tiàm-tsāi lí ê sin-pinn
阮到底是啥物位置
gún tàu-té sī siánn-mih uī-tì
是普通的朋友
sī phóo-thong ê pîng-iú
抑是紅顏知己
ia̍h-sī hông-gân ti-kí
阮希望你毋是
gún hi-bāng lí m̄-sī
佮阮咧搬戲
kah gún teh puann-hì
這條愛情路有你
tsit tiâu ài-tsîng lōo ū lí
日子才感覺纏綿
ji̍t-tsí tsiah kám-kak tînn-mî
喔~我愛你毋是一時
ooh~ guá ài lí m̄-sī tsi̍t-sî
是因為愛
sī in-uī ài
予咱黏做堆
hōo lán liâm tsuè-tui
你是阮一生
lí sī gún it-sing
上蓋寶貴的情人
siōng-kài pó-kuì ê tsîng-jîn
喔~我愛你無人可比
ooh~ guá ài lí bô-lâng khó pí
真情真意
tsin-tsîng tsin-ì
會當感動天
ē-tàng kám-tōng thinn
無論是千年抑是萬年
bô-lūn sī tshian-nî ia̍h-sī bān-nî
袂來分開
buē lâi hun-khui
