一生等待你
《一生等待你》It-sing Tán-thāi Lí
吳逢逢Ngôo Hông-hông
——————————————
窗外小雨落袂離
thang-guā sió-hōo lo̍h buē-lī
今夜又閣想起你
kim-iā iū-koh siūnn-khí lí
毋知你踮佇佗位
m̄-tsai lí tiàm tī tó-uī
為你茫茫到深更
uī lí bâng-bâng kàu tshim-kinn
無奈目屎漸漸滴
bô-nāi ba̍k-sái tsiām-tsiām tih
輕輕摸著你相片
khin-khin bong tio̍h lí siòng-phìnn
當初相愛我佮你
tong-tshoo siong-ài guá kah lí
如今煞來拆分開
jû-kim suah lâi thiah hun-khui
我是愛你閣想你
guá sī ài lí koh siūnn lí
想欲放棄無勇氣
siūnn-beh hòng-khì bô ióng-khì
對你付出真情意
tuì lí hù-tshut tsin tsîng-ì
甘願為你病相思
kam-guān uī lí pīnn-siunn-si
無論海角抑天邊
bô-lūn hái-kak ia̍h thinn-pinn
想你的心袂停止
siūnn lí ê sim buē thîng-tsí
痴情註定無藥醫
tshi-tsîng tsù-tiānn bô io̍h i
甘願一生等待你
kam-guān it-sing tán-thāi lí
等待你
tán-thāi lí
