補償
《補償》Póo-siông
郭金發Kueh Kim-huat
——————————————
也無半句的言語
iā bô puànn-kù ê giân-gí
恬恬做你去
tiām-tiām tsuè lí khì
予阮暝日央三託四
hōo gún mî-ji̍t iong-sann thok-sì
四界揣無你
sì-kuè tshē-bô lí
全無考慮細漢的囝兒
tsuân bô khó-lū suè-hàn ê kiánn-jî
啊~為著啥代誌
ah~ uī-tio̍h siánn tāi-tsì
就是講阮的毋著
tsiū-sī-kóng gún ê m̄-tio̍h
已經是過去
í-king sī kuè-khì
希望了解阮心意
hi-bāng liáu kái gún sim-ì
緊轉來團圓
kín tńg-lâi thuân-înn
看你目屎一直滴
khuànn lí ba̍k-sái it-ti̍t tih
對你真不起
tuì lí tsin put-khí
從今以後毋敢袂記
tsiông-kim í-āu m̄-kánn buē-kì
好好對待你
hó-hó tuì-thāi lí
請你帶念細漢的囝兒
tshiánn lí tài-liām suè-hàn ê kiánn-jî
啊~請你莫受氣
ah~ tshiánn lí mài siūnn-khì
就是講阮的放蕩
tsiū-sī-kóng gún ê hòng-tōng
已經是過去
í-king sī kuè-khì
希望相信阮心意
hi-bāng siong-sìn gún sim-ì
毋通閣推辭
m̄-thang koh the-sî
誠心誠意感動你
sîng-sim sîng-ì kám-tōng lí
原諒阮過去
guân-liōng gún kè-khì
兩人約束重新做起
nn̄g lâng iok-sok tiông-sin tsuè-khí
永遠毋分離
íng-uán m̄ hun-lî
心內歡喜可愛的囝兒
sim-lāi huann-hí khó-ài ê kiánn-jî
啊~免閣哭規暝
ah~ bián koh khàu kui-mî
就是講千辛萬苦
tsiū-sī-kóng tshian-sin bān-khóo
也會忍落去
iā ē jím–lo̍h-khì
予恁幸福過日子
hōo lín hīng-hok kuè ji̍t-tsí
補償阮過去
póo-siông gún kuè-khì
