祝你的幸福乾杯
《祝你的幸福乾杯》Tsiok Lí ê Hīng-hok Kan-pue
張一仁Tiunn It-jîn
——————————————
你想講我啉足濟
lí siūnn-kóng guá lim tsiok tsuē
利用酒醉欲佮你花
lī-iōng tsiú-tsuì bueh kah lí hue
我有撙節
guá ū tsún-tsat
袂啉甲超過
buē lim kah tshiau-kuè
你又何必起性地
lí iū hô-pit khí-sìng-tē
咱中間猶有啥貨
lán tiong-kan iáu-ū siánn-huè
無愛一个人
bô-ài tsi̍t-ê lâng
敢講有罪
kám-kóng ū tsuē
你若願意佮別人做伙
lí nā guān-ì kah pa̍t-lâng tsò-hué
我有啥物通怨慼
guá ū siánn-mih thang uàn-tsheh
啊~欲怨慼
ah~ beh uàn-tsheh
也無資格
iā bô tsu-keh
想欲來祝福你的話
siūnn-bueh lâi tsiok-hok lí ê uē
不如酒斟平濟
put-jû tsiú thîn pînn tsuē
祝你的幸福乾杯
tsiok lí ê hīng-hok kan-pue
