看見真愛
《看見真愛》Khuànn-kìnn Tsin-ài
彭莉Phênn Lī(彭立Phênn Li̍p)
——————————————
我提出真大的勇氣
guá the̍h tshut tsin tuā ê ióng-khì
將我的一生
tsiong guá ê it-sing
交代予你
kau-tài hōo lí
面對未來
bīn-tuì bī-lâi
我毋知啥物
guá m̄-tsai siánn-mih
只要你
tsí-iàu lí
疼惜阮的真心
thiànn-sioh gún ê tsin-sim
我無愛榮華佮富貴
guá bô-ài îng-huâ kah hù-kuì
只要平平凡凡過日子
tsí-iàu pîng-pîng-huân-huân kuè ji̍t-tsí
人生的路無一定如意
jîn-sing ê lōo bô it-tīng jû-ì
我會永遠陪佇你身邊
guá ē íng-uán puê tī lí sin-pinn
愛情是甘甘甜甜的滋味
ài-tsîng sī kam-kam-tinn-tinn ê tsu-bī
幸福有酸酸澀澀的過程
hīng-hok ū sng-sng-siap-siap ê kuè-tîng
牽你的手
khan lí ê tshiú
想阮的人生
siūnn gún ê jîn-sing
這款心情
tsit khuán sim-tsîng
遐爾安慰
hiah-nī an-uì
愛情是甘甘甜甜的滋味
ài-tsîng sī kam-kam-tinn-tinn ê tsu-bī
幸福有酸酸澀澀的過程
hīng-hok ū sng-sng-siap-siap ê kuè-tîng
牽咱的手
khan lán ê tshiú
想咱的人生
siūnn lán ê jîn-sing
我看見真愛
guá khuànn-kìnn tsin-ài
佇咱的面前
tī lán ê bīn-tsîng
