永遠陪伴你
《永遠陪伴你》Íng-uán Puê-phuānn Lí
羅安Lô An
——————————————
若想起彼一日
nā siūnn-khí hit-tsi̍t-ji̍t
我頭一擺看著你
guá thâu tsi̍t-pái khuànn-tio̍h lí
你經過阮身邊
lí king-kuè gún sin-pinn
帶來陣陣的芳味
tuà-lâi tsūn-tsūn ê phang-bī
彼一時
hit-tsi̍t-sî
毋知為啥物
m̄-tsai uī-siánn-mih
戇戇一个人
gōng-gōng tsi̍t-ê lâng
綴你一直去
tuè lí it-ti̍t khì
姑娘像你這款的氣質
koo-niû tshiūnn lí tsit khuán ê khì-tsit
就是阮夢中的西施
tsiū-sī gún bāng-tiong ê Se-si
心中期待
sim-tiong kî-thāi
夜夜思念的伴侶
iā-iā su-liām ê phuānn-lī
姑娘你若是無反對
koo-niû lí nā-sī bô huán-tuì
予我機會來接近你身邊
hōo guá ki-huē lâi tsiap-kīn lí sin-pinn
我會對你付出我全部情意
guá ē tuì lí hù-tshut guá tsuân-pōo tsîng-ì
永遠來陪伴你
íng-uán lâi puê-phuānn lí
