歹鐵仔
《歹鐵仔》Pháinn-thih-á
蔡義德Tshuà Gī-tik
——————————————
歹鐵仔嘛會變黃金
pháinn-thih-á mā ē piàn n̂g-kim
歹鐵仔嘛有重抑輕
pháinn-thih-á mā ū tāng ia̍h khin
歹鐵仔嘛會變黃金
pháinn-thih-á mā ē piàn n̂g-kim
歹鐵仔嘛會重換新
pháinn-thih-á mā ē tîng uānn sin
一人一个家
tsi̍t-lâng tsi̍t-ê ke
一人一款命
tsi̍t-lâng tsi̍t-khuán miā
誰無為家咧拍拚
siáng bô uī ke teh phah-piànn
毋通怨嘆歹運命
m̄-thang uàn-thàn pháinn ūn-miā
恨天怪地敢有效
hūn-thinn kuài-tē kám ū-hāu
怨東怨西是家己疼
uàn-tang uàn-sai sī ka-kī thiànn
人總是綴佇人後壁
lâng tsóng-sī tè tī lâng āu-piah
只有出脫予人看
tsí ū-tshut-thuat hōo-lâng khuànn
一人一款心
tsi̍t-lâng tsi̍t-khuán sim
一人一款面
tsi̍t-lâng tsi̍t-khuán bīn
我毋用酒問傷心
guá m̄ iōng tsiú mn̄g siong-sim
我欲予天目睭金金
guá beh hōo thinn ba̍k-tsiu kim-kim
看我佮命面對面
khuànn guá kah miā bīn tuì-bīn
因為我相信
in-uī guá siong-sìn
歹鐵仔嘛會變黃金
pháinn-thih-á mā ē piàn n̂g-kim
歹鐵仔嘛會重換新
pháinn-thih-á mā ē tîng uānn sin
花花的世界
hua-hua ê sè-kài
茫茫的未來
bâng-bâng ê bī-lâi
著愛一步一步行小心
tio̍h-ài tsi̍t-pōo-tsi̍t-pōo kiânn sió-sim
